Centar protiv o brutalno ekstremizmi
Centar protiv o brutalno ekstremizmi (CVE) čerela buti premalo kriminalno-politička tačke. Amen barjačeraja amari buti protiv o brutalno ekstremizmi prekalo đandipe hem koordinacia ko nacionalno, regionalno hem lokalno nivo. Amen šaj te da podrška savi valjani hem edukacia ko lokalno aktorija sebepi te berjačeri pe o nivo kotar o efektiviteti hem i koordinacia. O glavno cilji tano te čhinavi pe i ideologia kotar motivirimo brutaliteti hem ekstremizmi.
Kontakt
Pošta: Center mot våldsbejakande extremism/Brottsförebyggande rådet
Box 1386
111 93 Stockholm.
Adresa: Tegnérgatan 23, plan 2.
Telefon: +46 8 527 44 200
E-mail: info@cve.se
www.cve.se
Soj odova brutalno ekstremizmi?
Ki Švedska tano ko zakon so šaj te misline hem te vačere so mangeja. Amen isi amen sloboda ko mislibe, organizacia hem religia sa đi o demokratska pravilija respektirinena pe hem nikasor averesoro pravo na rumini pe.
Brutalno ekstremisti čka aktorija hem ideologije nane tane akceptirime kotar o demokratsko sveto. Ko esavke ideologije vazdena pe o trakaserije hem peravi pe averengoro pravo hem zakonsko korist. Odova šaj te ovel agresiviteti ja disavo aver forma kotar o brutaliteti sebepi o političko
cilji. Ama, odova šaj te na ovel stalno fizičko brutaliteti. Šaj te ovel sar ko primer psihološko agresiviteti hem pretibe avere manušen.
Esavke ekstremistija sikavena avere manušen hem stimulirinena ko razna načinija akija ideologia te ovel čačipe, kaj o motivi tano brutaliteti. Nane zabranimo te ovel tut ekstremističko mislibe, ama nane dozvolimo o brutaliteti te ovel čačipe kaj i ideologia tani sar startno tačka.
Da li tu hijan i žrtva kotar o brutaliteti?
Ako hijan hine žrtva ko disavo brutaliteti, valjani odova te prijavine so posig. I policia tani odgovorno ko odova than hem regioni kaj so hine tano o brutaliteti.
Vičin hitno
Ako tano o brutaliteti ko odova momenti, vičin odmah ko 112!
Šaj hem te vičine ko 114 14 ja te đa ki policia ko than.
